बिचल्लित मानसिकता

बिचल्लित मानसिकता


जसरी जून र ताराहरू

लुक्छन् आकाशको छातिभित्र

सुनसान रातमा,

त्यति बेला कहाली लाग्दो निस्सार

समयको एउटा पाटो बन्छ,

त्यसैगरि, तिमीले औंसीका रातहरू

उपहारमा दिएर गयौ ।।

त्यसैले

अचेल म हररात बिल्कुलै

निस्सासिएको छु,

जीवनका उकालि ओरालीहरूमा

सँगै हिडौला भनि

चोखो कसम खाएको थिए।।

आस्था, भरोसा र त्यागको त्रिवेणीमा

मेरो वर्तमान र भविष्य

विना संझौता

उसैको नाममा जोडकी थिएँ।।

तिमीप्रति निश्चल भावनामा

समर्पित हुनु, बदलामा पिडा मात्र

अनयासै आज मलाई

आभास भएको छ मुकबोधक पात्र ।।

मेहनेती काधहरूले पाएनन्

अटुट साथहरू

कता कता जीवनको गोरेटोमा

लर्रबराएका छन् आँटहरू ।।