Monday, May 30, 2011

शुभकामना गजल

प्रतिकृया:- 

बिहानीको किरणबन्दै आकाशभरि खुल्नु तिमी
काँडैकाँडा बीचमा 'नि सुन्दर फूल फुल्नु तिमी ।

ठूलालाई मान गर्दै मीठो बोल्नु सबैसँग,
ज्ञानी बन्दै समाजमा सबैसँगै घुल्नु तिमी ।

यस्तो मान्छे बन सानु नमुना होस् संसारलाई,
सफलताको शिखर चुम्दै रिस राग भुल्नु तिमी ।

विश्वास र साहासहरु सहयात्री बनुन् सँधै,
उमङ्ग र उत्साहका हाँसो लिई डुल्नु तिमी ।

प्यारो छोरा आज तिम्रो जन्मदिन समय र परिस्थितिले आज तिमीबाट धेरै टाढा छु । तर पनि हरेक पल हरेक क्षण तिमी यो दिलमा नै धड्किरहेको हुन्छौ । तिम्रो मायालाई मुटु भित्रको ढुक्दुकिमा सजाउदै यी प्रवासका उच्छ्वाशहरुमा दिनहरु बिताइ रहेको छु । तिमीलाई आफ्नै काखमा राखेर तिम्रो खुशिमा खुशि हुन नसके पनि प्रबिधीले संसारलाई नै सानो बनाएको छ यहि प्रबिधीको सहायताले तिमीलाई मनभरीको असिम माया ममता,शुभआशिर्बाद, उन्नती प्रगती सुस्वास्थ्य दिर्घायू उत्तोरोत्तर प्रगतीको कामना गर्दै जन्मदिनको लाखौं लाख शुभकामना भन्न चाहन्छु.।

1 comment:

  1. उडिरहनु बादल सरि
    क्षितिज पारीको गाउमा पनि
    जीवन संघर्षशिल छ
    संघर्ष गर्न नछाड्नु है
    गरिबीले हात फैलाएपनी
    प्रतेकपल कामना गर्छु ......
    सधै सधै सफलताले चुमोस
    चालेका हरेक पाइलामा पनि

    Kumar Basnet
    Amarpur-Two(2)
    Panchthar Mechi Nepal.....

    ReplyDelete

आफ्नो अमूल्य राय,सुझाव तथा टिप्पणीहरु यहाँ छाडिदिनुहोला...▼
Please leave your Comments here...▼