गजल

गजल

तिमै निम्ति सोमबारे बर्त गरे साउनमा
बादलुको बुँद बनी मन भरे साउनमा

सप्त रङ्ग इन्द्रेणीझै सजाउँदै रहरहरू

तिमै यादमा म त बर्षा बनी झरे साउनमा

चन्द्रमालाइ एकोहोरो हेरिरहने चकोर भै
तिम्रै रूप-रङ्ग देखि दङ्गै परेँ साउनमा

बादलभित्र तारा लुके, ताराभित्र हाम्रो माया

मल्मल्किरी जुनकिरीले प्रकाश छरे साउनमा

उराठिलो जीवनमा वसन्तका फूल सार्दै

ओइलिएका मुनाहरु फेरि सरे साउनमा