कविता

जिन्दगी एक भोगाई "

हिजो सम्मको बाझो पत्झड जंगल 
आज, हेर त ढकमक्क फुलेका आरुहरु
निला हरिया झपक्कै फूलहरु
जिन्दगी न हो,
कहिले जाडोले कठ्याग्रिएर 
कहिले घामले रापिएर 
घृणा, तिरस्कार 
निष्ठुरता,बर्बरता 
यी सबै सहेर पनि त जीवन फुलाउन पर्छ 
एक चोटी पाएको जिन्दगी 
कतै जाडो जाडो कतै घाम घाम 
बोधरु , बस बोधहरु !
हिम्मती पाखुराहरुलाई
हिम्मती र सहासी मनहरुलाई 
कहाँ कसले छेक्न सक्छन् खहरेहरुले 
म त भन्छु हरेक बिहानी एउटा जिन्दगी हो
हरेक साँझ एउटा मृत्‍यु 
जिन्दगी, एक भोगाइ मात्र !!