Friday, March 8, 2013

इजरायलका नारी श्रष्टाहरुले यसरी मनाए नारी दिवस

प्रतिकृया:- 
इजरायलका नारी श्रष्टाहरुले यसरी मनाए नारी दिवस 

अन्तरास्ट्रिय नारी दिवसको अवसरमा यही मार्च ७ तारिख बिहिबार साँझ इजरायलमा रहेर कलम चलाउदै आएका सिर्जनशील नारी श्रष्टाहरुले अनलाइन भेला तथा सिर्जना वाचन कार्यक्रमको आयोजना सम्पन्न गरेका छन । अनलाइनको माध्यम बाट उपस्थिति जनाउनु भएका श्रष्टाहरुले सो अवसरमा महिला अधिकार, हकहित तथा जागरण जस्ता बिषयमा रचना गरिएका सिर्जनाहरु  वाचन गर्नु भएको थियो ।

समयको अभाव र प्रत्यक्ष भेटघाट हुने अवसर न्यून रहेको हुँदा सबैको अनुकुलता र पहुँच हुने सम्भावनाको एक मात्र बिकल्प स्वरुप यस्तो प्रकृतिको कार्यक्रम आयोजना गरिएको थियो । कार्यक्रममा दीप्स शाह, मिरा मन थापा, भगवती बस्नेत, कल्पना भाबुक, निशा खनाल अर्याल, लक्ष्मी अनुरागी, सावित्रा लुइँटेल, आरजु शर्मा, राधा भट्टराई, निर्मला खड्का, लिला रिजाल लगायतका श्रष्टाहरुले नारीवादी चिन्तनमा कोरिएका साहित्यिक रचनाहरु वाचन गर्नुका साथै यसै बिषयमा विमर्श गर्नु भएको थियो ।

नेपाली साहित्यको डायास्पोरिक माहोलमा इजरायलको नेपालीसाहित्यिक गतिविधिलाई तिव्र र प्रभाबकारी बनाउनमा मुख्य भूमिका खेल्दै आइरहेको संस्था ‘अनेसास इजरायल’ को पहलमा यसपालीको अन्तर्राष्ट्रिय नारी दिवशले महिलाहरुको पक्षमा वकालत गर्न र महिलाहरुलाई सक्रिय र आत्मविश्वासी बनाउनमा मद्दत गर्ने विश्वास र उद्देस्य सहित सो अनलाइन भेटघाटको आयोजना गरिएको थियो ।

कार्यक्रम साँझ नौ बजेदेखि तीन घण्टा संचालन गरिएको थियो भने अनेसास इजरायल च्याप्टरका पदाधिकारीहरु लगायत इजरायलमा रहनु भएका अन्य महिला र पुरुष सहभागीहरुले समेत श्रोताका रुपमा उपस्थिति जनाउनु भएको थियो ।
 

2 comments:

  1. This comment has been removed by the author.

    ReplyDelete
  2. अनेसास इज्रायलको चेतनशिल गतिबिधी बारे जानकारी गराइदिनु भएकोमा सम्प्रेशिका भगवति बस्नेतमा धन्याबाद!

    ReplyDelete

आफ्नो अमूल्य राय,सुझाव तथा टिप्पणीहरु यहाँ छाडिदिनुहोला...▼
Please leave your Comments here...▼